قصيدتي بالعامية .. يانيل .. قصيدة للجرح

يانيل .. إلهى دمى يسيل .. خلاص طفح الكيل .. و إتهد كل الحيل

عشمى فيك كبير .. ماترضاش العالم يقول على ابنك حقير

سيبك من التقارير .. وتعالى شوفنى أنا جايلك من الشعب سفير

روح قول للطوابير .. خللى العيش من غير مساميــر

وللمناشيــر ماياخدوش الدقيق بالتزوير .. يبيعوه وكله بالفواتير

قول للكلاب .. يا كلاب !! .. ابعدوا عنى الإغتصاب

و ياريت تقَفل عالإرهاب كل الشبابيك و الأبواب

يمكن !! يمكن تلاقى فى يوم صاحب .. يمكن تلاقى فى يوم أحباب

تعالى قول للسرقة .. ليه لدغاتك حارقة

ده أنا بشقى سنين وبعيش .. وبيكى مابقتش فارقة

ودخلنا الإنتخابات .. أخويا قال الحق فمات

قالولى إنسى اللى فات .. انتخب بقى خد وهات

وناس قالوا عليا مرحوم .. إزاى أعيش مظلوم

صوتى أنا ليه مكتوم .. مالقتش عليهم لوم

اللوم على اللى فوق ..نفسى فى يوم يفوق

يلاقى نفسه فى بحر .. وماندلوش الطوق

ملوك عدت وملوك .. و أنا زى مأنا المملوك

ابن الظابط ظابط .. وطريق الليل مسلوك

يانيل أنا طلعت شوية ..

هاتلى حبة حنية ..

اللى سايل فيك مش ميه ..

ده دمى فيك بيدوب .. وحقى فيك مسلوب ..و أنا راضى بالمكتوب

بس اللى سايل فيك مش ميه

مع أرق تحياتي .. الجريح / إسلام تايجـــر

» قصيدة الارض
» قصيدة لشاعر المرأة (نزار قبانى )
» "قصيدة للشاعر أحمد فرح عقيلان"